|
  
|
1月15日晚,與魯婆仔去了飲羊姐姐的喜酒,方踏入宴會廳的門口,便看見一位西裝筆挺的黑髮男仕背向着我們,魯婆仔突然叫了一聲「羊爸爸」,男仕隨即轉身過來,原來真的是羊爸爸本人。染了一頭黑髮的他看起來年輕了二、三十年,令人眼前一亮,這晚的羊爸爸只可以用五個字來形容,就是「型、英、帥、靚、正」。向羊爸爸說過恭賀說話和留下買路錢奉上人情之後,羊爸爸便帶我們進見坐在主家席的羊嫲嫲,這位千里迢迢由鄉下到來出席婚宴的老人家,看起來精神不錯,跟我們有講有笑的,還一口咬定我是「女兒身」,這也很難怪羊嫲嫲,在她眼前這個頭髮長長兼且娘娘腔的傢伙,不被認作是女人才怪...
台上的羊姐姐和羊女婿正忙着敬茶和與親友們拍照,我和魯婆仔當然不會錯過與一對新人合照的機會啦!而羊姐姐一身超低胸的晚裝,更是「索爆」全場,令雷某不敢直視...
一向縱橫於各大小婚宴,總是忙過不停地為新人服務的雷某,這夜卻甚麼也不用做,只是坐着當個賓客,美食端來就張口,氣氛高漲就拍手,真是有點不慣。幸好羊爸爸早已安排了網友們同坐一圍,讓大家談天說地的好不愉快。
(閱讀全文)有冇人呀~~~?
請問仲有冇人會嚟探吓哩個霉blog架?哩度依家鋪滿咗好多塵同蜘蛛絲呀~~~
我家吓終於抽到時間寫吓blog啦!祝明知哩度冇嘢睇都重肯"蹤"入嚟望兩眼嘅善心人新年快樂呀~~~
我冇打理哩度咁耐嘅原因,咪係因為我老細以為我有三頭六臂囉!佢俾一份糧要我做三個人以上嘅工作,無論我幾搏命去做都好,始終都係做極唔完,再加上工餘陪埋「鋸老翻」之後,根本完全冇時間寫blog。(幾大條道理!)
不過話時話,忙碌嘅工作過後,能夠同「鋸老翻」共渡工餘時光,真係咩辛苦都唔記得晒~~~
(連帶想寫咩blog文都唔記得埋...)
七月中,老細PK,我要兼職埋佢一部份嘅工作,忙咗,不過收入多咗D。
之後去咗深圳東部華僑城玩,本來全程都玩得好開心,不過衰在回程時被中旅賣甩咗,居然冇旅遊車嚟接我地返香港,搞到我同羊爸爸一行人响風雨交加嘅停車場喥等餐懵,最後只好截的士去羅湖口岸,再搭火車回港...離晒譜~~~
與老細之子小明的合照
八月中出席咗【逸之 x 火羽 x Summer Party 】,由於我一向都唔係好識同人談天說地,所以去到主要都係食食食同聽人地吹水。
很久沒洗澡的"逸之貓"
八月尾去咗羊爸爸鄉下,此行主要目的係陪女友嘅爸爸去睇大夫,而哩位大夫正是羊爸爸嘅五弟。睇完病我地仲順便遊覽一下羊爸爸美麗嘅家鄉----吳川市。
有幸參加"羊嫲嫲"嘅90大壽
~完~7月初跟女友、羊爸爸、羊媽媽、羊妺妺和Daphne 約定了17、18兩天到深圳遊玩,剛好那兩天是公司擺檔婚紗展,需要用人之際,所以我早已向老闆請定了17、18兩天假,好讓他預先安排人手的調動。而在旅行前的一個星期裡,由於老闆要去外地工作,所以老闆有部份的工作要交由我代辦,就是要每天上深圳分公司向深圳的同事更進工作的細節和取貨件回港。其實當這幾天"臨時老闆"也挺過癮的,因為只管趨促同事們交件,又可以向他們指指點點嘛!
直至老闆外地工作回來後,滿以為把要務交回給正牌老闆,便可以好好準備旅行的事,誰知老闆竟在7月１４日那天出了意外,不小心從天橋梯級滑下,跌斷了左腳!老闆馬上急召我陪他去看急症,經醫生診斷後,決定要做接骨手術,需要大約六個星期才可以康復出院。這回不妙了,婚紗展將近,卻來個群龍無首,而我又已經買了旅行社的套票,更有同事因有急事要回鄉數天．．．全公司陷入緊張狀態!在這手忙腳亂的情況之下,羊妺妺又因回鄉卡過了期而不能參與今次旅行,急須找人補上空缺。
最終,我在7月１６日找到了正值放暑假的＂小明＂補上這個空缺,小明是誰?就是剛出了意外的老闆的兒子是也。小明在7月１６日晚上去醫院探過父親後,便隨我回家去,翌日和我一起出發。(這回又變成了太子爺的褓母．．．人工點計法先~~~)
眼瞓．．．下回再寫．．．
歡迎大家收睇鮮奶警訊,以下為大家報導一則羅湖口岸嘅騙案。
一名化名雨田女圭嘅男子,近日因為工作要香港深圳兩邊走而冇時間寫Blog。禽日,雨田女圭响深圳回港時,如常喺羅湖口岸填寫緊健康伸報表。當佢一路填緊表嘅時候,發現身邊有兩名男子一直注視住佢,相信係想等佢填完表之後問佢借筆之類。未幾,其中一名男子開聲喇:
「唔好意思,先生,我哋係香港人,唔係騙徒嚟嘅,我哋真係唔見晒D錢,想問你借錢返香港呀。」男子出示香港身份証給雨田女圭看。
雨田女圭一言不發,只係向兩名男子做咗哩個動作---
,然後繼續埋首填寫表格。此時,兩名男子竟開始互相吐糟...
「頂!依家點算呀?」
「唏~~~一講到錢人哋就梗係以為我哋想呃錢架啦!」
「超!一個二個都驚死畀人呃咁,填乜銀嘢健康伸報表吖!鬼唔望佢哋全部中銀晒豬流感呀!!」
兩名男子嘅對話講到大大聲,好明顯係專登做臺戲畀雨田女圭睇,但雨田女圭唔中激漲法嘅計,一於左耳入右耳出,睬佢兩個都儍!填好表格後就斯斯然行去過關。
哩兩名男子如果真係唔見咗錢,點解唔盡快報警求助呢?
如果真係想向人求助嘅話,又點會猛咁詛咒人嘅呢?
咁得閒企响羅湖口岸詛咒人,點解又唔打個電話揾親友嚟救佢哋呢?
鯪魚肉中有尖長的硬物?!
